ព្រះសីហនុ៖ នាវាកងទ័ពជើងទឹករំដោះប្រជាជនចិន១គ្រឿង ចូលចតនៅកំពង់ផែស្វយ័តក្រុងព្រះសីហនុ ដើម្បីចូលរួមសមយុទ្ធនាគមាស។
នៅព្រឹកថ្ងៃទី១៣ ខែឧសភា ឆ្នាំ២០២៤ នាវាកងទ័ពជើងទឹករំដោះប្រជាជនចិនចំនួន០១គ្រឿង លេខ៩៨៥ ជាប្រភេទនាវាពហុមុខងារ Type-071 ដឹកនាំដោយឧត្តមនាវីទោ កៅ សៀវឆឹង នាយសេនាធិការរង កងទ័ពជើងទឹករំដោះប្រជាជនចិនភាគខាងត្បូង បានចូលចតនៅកំពង់ផែស្វយ័តក្រុងព្រះសីហនុ។
នាវាកងទ័ពជើងទឹករំដោះប្រជាជនចិននេះ ចូលចតនៅកំពង់ផែស្វយ័តក្រុងព្រះសីហនុ គឺដើម្បីចូលរួមសមយុទ្ធនាគមាសលើកទី៦ ដែលនឹងធ្វើឡើងក្រោមវិធានបទ «ប្រតិបត្តិការប្រឆាំងអំពើភេរវកម្មរួម និងការសង្រ្គោះមនុស្សធម៌» ចាប់ពីថ្ងៃទី១៦ ដល់ថ្ងៃទី៣០ ខែឧសភា ឆ្នាំ២០២៤ នៅភ្នំជុំសែនរីករាយ ខេត្តកំពង់ឆ្នាំង និង ខេត្តព្រះសីហនុ។
ចំពោះលក្ខណៈបច្ចេកទេសរបស់នាវាកងទ័ពជើងទឹករំដោះប្រជាជនចិន លេខ៩៨៥ ជាប្រភេទនាវាពហុមុខងារ Type-071 បណ្ដោយប្រវែង២១០ម៉ែត្រ ទទឹងប្រវែង២៨ម៉ែត្រ ជម្រៅទឹកប្រវែង០៧ម៉ែត្រ ល្បឿន២៥ ណត និងមានទំងន់ផ្ទុក២៥០០០តោន៕
ព័ត៌មានជាច្រើនទៀតសម្រាប់អ្នក
